भावाला खोट्या प्रकरणात अडकविण्याची धमकी

जयपूर : राजस्थानमधील अलवर जिल्ह्यात एका मुलीवर वर्षभराहून अधिक काळ बलात्कार केल्याप्रकरणी तीन पोलिस हवालदारांविरुद्ध गुन्हा दाखल करण्यात आला आहे. अल्वरचे पोलिस अधीक्षक आनंद शर्मा यांनी सांगितले की, तरुणीने (१८) शनिवारी संध्याकाळी तीन पोलिसांविरुद्ध तक्रार दिली होती.

पीडितेने बलात्काराची तक्रार केल्यास तिच्या भावाला खोट्या प्रकरणात अडकविण्याची धमकीही आरोपींनी दिली होती. आरोपीविरुद्ध रेणी पोलिस ठाण्यात पॉक्सो कायद्यान्वये गुन्हा दाखल करण्यात आला आहे.

आई म्हणाली...

कॉन्स्टेबलने मुलीला धमकावले आणि तुझ्या भावाला अटक करून तुरुंगात पाठवतो, असे सांगितले. माझी मुलगी अलवरमध्ये भाड्याने खोली घेऊन शिकते. एक वर्षापूर्वी कॉन्स्टेबल अविनाश मुलीच्या खोलीत गेला. तिला धमकावून आपल्या खोलीत नेले आणि तिघांनी तिच्यावर बलात्कार केला. गेल्या महिन्यातही एक हवालदार घरी आले. तिला मागच्या खोलीत ओढून नेत तिच्यावर बलात्कार केला.